الخصوبة
حاسس إني عندي دوالي خصية
السؤال بصيغة مجهولة
سائل بدون اسم
بص يا عم أسيم أنا حاسس اني عندي دوالي أنا عندي 19 سنة ومش عارف هي دي دوالي ولا لأ بس خايف تكون واسيبها عندي كدا وبعدين لما اتجوز تبوظ الحيوان المنوي معرفش اخلف اي الحل يا هندسة
أسيم نصار
الإجابة
مفيش حاجة اسمها حاسس إن عندي دوالي خصية، في حاجة اسمها لو عندك خصية اصغر من التانية بشكل ملحوظ - أو عندك آلام مستمرة على الخصية - أو عملت تحليل سائل منوي ولقيت اللزوجة عالية فهنا احتمال يكون عندك فعلا دوالي.. ومفيش حاجة اسمها اسيب الدوالي فتبوظ الحيوانات المنوية، وركز في الكلمتين دول لإنهم مهمين، الدوالي بتُقلل جودة الحيوانات المنوية بس.. علشان بترفع درجة حرارة الخصية وبتعمل إجهاد تأكسدي، وبتزود لزوجة السائل المحيط بالحيوانات المنوية، فـ حيواناتك مش بتعرف تسبح بشكل كويس وبيحصل تشوهات فيها وكده.. واحنا بنعرف نقلل الأثر ده بالمكملات الغذائية اللي بتغذي الحيوانات كويس، والـ N acetylcysteine اللي بيعالج اللزوجة. طبعا الدوالي مش بتتعالج بالمكملات الغذائية لكن بنقلل أثرها فقط. واحنا مش بنروح نعمل عملية دوالي الخصية إلا في الحالات الثلاثة الآتية فقط "ألم شديد مستمر لا يمكن احتماله ولا تقليله بالمسكنات - صغر ملحوظ في حجم الخصية - استخدمنا المكملات وعايزين نخلف ولسه الحيوانات المنوية متحسنتش" غير كده متعملش عملية الدوالي، لإن في احتمال كبير انها ترجع تاني بعد العملية.. فمفيش لزوم تعملها دلوقتي وانت لسه متجوزتش.
الإجابات للتوعية والمساعدة في الاختيار، وليست تشخيصًا أو وصفة طبية.
منتجات ذُكرت في الإجابة
اختيارات قد تساعدك على فهم المنتجات المشار إليها قبل الشراء.
غير متأكد؟ اسأل قبل الشراء.
اسأل الصيدلي
قراءات آمنة
مقالات قد تساعدك
هل يمكن حدوث حمل مع وجود دوالي الخصية
يعاني زوجي من دوالي الخصية .. هل يمكن حدوث حمل مع وجود دوالي الخصية؟ وصل إلينا هذا السؤال من فتاة حديثة الزواج، ومر عليها أكثر من 6 أشهر ولم يحدث حمل. نتفهم تمامًا طبيعة قلقها. ولا يقتصر التساؤل على الزوجة فحسب. فالشاب نفسه الذي يعاني من دوالي الخصية ومقبل على الزواج، أو تزوج بالفعل ومر على زواجه فترة طويلة ولم...
تأخر الإنجاب: دليل شامل للأسباب والحلول والعلاجات
تأخر الإنجاب من أكثر المشاكل الطبية التي تواجه الأزواج حول العالم، حيث يؤثر على حياة ملايين الأشخاص ويترك آثاراً نفسية واجتماعية عميقة. وفقاً لمنظمة الصحة العالمية، يعاني حوالي واحد من كل ستة أشخاص في سن الإنجاب من مشاكل الخصوبة في مرحلة ما من حياتهم، مما يجعل هذا الموضوع أولوية صحية عالمية. تأخر الإنجاب ليس مجرد مشكلة طبية، بل هو تحدٍ...